काठमाठौं, २४ फागुन । नेकपा माओवादी केन्द्रका नेता पूर्ण बहादुर घर्तीले अहिलेको नयाँ गठबन्धनलाई स्वाभाविक रूपमा लिनुपर्ने बताउनुभएको छ ।
उहाँले हरेक पटक माओवादीले इमानदारीपूर्वक काम गर्ने तर काँग्रेसबाट धोका खाने क्रम दोहोरिँदै आएकाले गठबन्धन टुटेको बताउनुभयो ।
रेडियो काठमाण्डुको कार्यक्रम राईट कर्नरमा कुराकानीका क्रममा नेता घर्तीले काँग्रेसले नयाँ गठबन्धन बन्दा जनता र संविधानमाथि प्रधानमन्त्रीले कुठाराघात गरे भन्नु गलत भएको बताउनुभयो ।
उहाँले गठबन्धनको निन्दा गर्दै महासमिति बैठकमा गठबन्धनविरुद्ध निष्कर्ष निकालेको बताउनुभयो । आफूसँग हुँदा ठिक नत्र बेइमान भन्न नहुने बताउँदै उहाले अब सरकारले नयाँ गति लिने बताउनुभयो ।
