देशभर थप ५५ जनामा कोरोना संक्रमण

काठमाडौं, २६ चैत ।  देशभर थप ५५ जनामा कोरोना संक्रमण पुष्टि भएको छ । पछिल्लो २४ घण्टामा १ हजार २ सय १६ जनाको नमूना परीक्षण गरिएको थियो ।

६७१ जनाको पीसीआर र ५४५ जनाको एन्टीजेन विधिबाट नमूना परीक्षण गरिएको थियो । उक्त परीक्षणमा ५५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

आज ११ जना संक्रमणमुक्त भएका छन् । हाल ३९६ जना कोरोनाका सक्रिय संक्रमित रहेका छन् ।

त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।