काठमाडौं, २९ पुस । गोर्कणेश्वर नगरपालिकाका नगरप्रमुख दीपक कुमार रिसालले आफूले शिक्षा,स्वास्थ्य र खाने पानी लाई प्रमुख प्राथमिकतामा राखेर काम गरिरहेको बताउनु भएको छ ।
रेडियो काठमान्डुको कार्यक्रम राईट कर्नरमा कुराकानीका क्रममा उहाँले जनताको शिक्षा,स्वास्थ्य र खाने पानीमा सहज पहुँचका लागि काम गरिरहेको बताउनुभयो । नगरप्रमुख रिसालले हालसम्म आफ्नो काम सन्तुष्टजनक रहेको बताउँदै केन्द्र र प्रदेश सरकार सँग सहर्काय गरेर विकास निर्माणका काम गरिरहेको बताउनुभयो ।
उहाँले आफू जनता सँगै बसेर जनताका समस्यालाई समाधान गर्न पाउँदा खुसी भएको बताउनुभयो । उहाँले आफ्नो कार्यकाल सकिएसँगै नगरपालिकाका जनताको शिक्षा,स्वास्थ्य , खाने पानी र विकास निर्माणमा सहज पहुँच भएको र अनुहारमा खुसी देख्ने चाहना रहेको बताउनुभयो ।
उहाँले अहिले सङ्घीयताका विरुद्धमा विभिन्न टीकाटिप्पणी हुने भएकाले प्रदेश सरकारले काम गर्दा सङ्घीयताको मर्म झल्काउने गरी काम गर्नु पर्ने बताउनु भयो ।
