निर्वाचन आयोगले असोज १४ गतेभित्र समानुपातिक तर्फको बन्द सूची सच्याएर पठाउन निर्देशन दिएको छ ।
आयोगका अनुसार ६ वटा राष्ट्रिय दललाई १४ गतेभित्र समानुपातिक बन्द सूची सच्याउन भनिएको छ ।
अन्य दलहरूलाई १६ गतेसम्म समय दिइएको छ । ठूला दलहरूको सूची लामो भएकाले छिटो सक्न भनिएको आयोगले जनाएको छ ।
निर्वाचन आयोगमा दर्ता भएका दलहरूले असोज २ र ३ गते समानुपातिकतर्फको उम्मेदवारको बन्दसूची बुझाएका थिए ।
मिस्रित निर्वाचन प्रणालीअनुसार प्रदेश सभा र प्रतिनिधि सभामा ४० प्रतिशत सदस्य समानुपातिक प्रणालीमार्फत आउने व्यवस्था छ ।
यसअनुसार प्रतिनिधि सभामा १ सय १० र प्रदेश सभामा २ सय २० सांसद समानुपातिकबाट छानिनेछन् ।
