संसदीय सुनुवाइ समितिबाट ६ राजदूत सर्वसम्मतिले अनुमोदन

काठमाडौं, १८ साउन ।  संसदीय सुनुवाइ समितिले विभिन्न देश तथा कूटनैतिक नियोगका लागि सिफारिस ६ राजदूतको सर्वसम्मतिले अनुमोदन गरेको छ ।

हिजो र आज  भएको २ दिनको संसदीय सुनुवाइपछि प्रस्तावित राजदूतहरूलाई सर्वसम्मतिले अनुमोदन गरिएको समिति सभापति ज्ञानेन्द्रबहादुर कार्कीले जानकारी दिनुभयाे ।

गत असार २६ गते मन्त्रिपरिषद् बैठकले ६ कूटनीतिक नियोगका लागि राजदूत सिफारिस गरेको थियो । संसदीय सुनुवाइ समितिबाट अनुमोदन भएका  उनीहरूलाई अब राष्ट्रपतिले नियुक्त गर्नुहुनेछ ।