निजामती सेवा दिवसको अवसरमा आज नेपाल सरकारका मुख्य सचिवसहितका सरकारी उच्च पदस्थ अधिकृतबीच फुटबल खेल हुने भएको छ ।
युवा तथा खेलकुद मन्त्रालयले आयोजना गरेको प्रतियोगितामा मुख्यसचिव शङ्करदास बैरागीसहितको टोली खेलमैदानमा उत्रन लागेको हो ।
खेल सातदोबाटोस्थित एन्फा मैदानमा दिउँसो साढे ३ बजे हुनेछ ।
प्रतियोगितामा उच्च तहका अधिकृत र निजामती सेवासँग सम्बन्धित ट्रेड युनियन पदाधिकारी बीच प्रतिस्पर्धा हुनेछ ।
मुख्यसचिवको नेतृत्वमा रहेको २५ सदस्यीय टोलीमा सचिव, सहसचिव र अरु उपसचिव रहेका छन् ।
वि.सं. २०१३ भदौ २२ गते निजामती ऐन जारी भएको दिनको सम्झनामा यो दिवस मनाउने गरिन्छ ।
