मकवानपुर, १६ पुस । बागमती प्रदेशमा नेकपा माओवादी केन्द्र संसदीय दलको नेतामा शालिकराम जमरकट्टेल चयन भएका छन् ।
माओवादी केन्द्रले सर्वसम्मत नेता चयन गर्न शुक्रबारबाट पहल थालेको थियो । शुक्रबार सहमति नभएपछि संसदीय दलको आज बसेको बैठकले जमरकट्टेललाई सर्वसम्मत नेता चयन गरेको हो ।
संसदीय दलको नेतामा माओवादीबाट पूर्व सामाजिक विकास मन्त्री युवराज दुलाल र पार्टी प्रदेश अध्यक्ष सरल सहयात्री पौडेलको पनि दाबी रहेको थियो ।
