काठमाडौं । भारतबाट एलपी ग्यास बोकेका बुलेटहरू काठमाडौं आउन थालेका छन् । अविरल वर्षाका कारण चार दिनदेखि पूर्ण रूपमा अवरुद्ध पृथ्वी राजमार्ग सञ्चालनमा आएसँगै काठमाडौं उपत्यकामा खाना पकाउने एलपी ग्यासको आपूर्ति सहज हुने भएको हो ।
असोज ८ गते रातिदेखि मौसम प्रतिकूलता र सडक अवरोधका कारण रोकिएको ग्यास आपूर्ति सोमबारदेखि पुनः सुरु भएको छ ।
काठमाडौं उपत्यका र आसपासका क्षेत्रका लागि एलपी ग्यास बोकेका बुलेटहरू पृथ्वी राजमार्ग हुँदै आउने गर्छन् । मुख्य राजमार्ग चार दिनसम्म अवरुद्ध हुँदा काठमाडौंका लागि छुटेका ग्यासका बुलेटहरू बाटोमै रोकिएका थिए ।
पृथ्वी राजमार्ग सञ्चालनमा आएसँगै रोकिएका ग्यास बुलेटहरू आ–आफ्नो गन्तव्यतर्फ अघि बढेका छन् । नेपाल आयल निगमका प्रवक्ता मनोजकुमार ठाकुरका अनुसार सोमबार मात्रै १०५ भन्दा बढी ग्यास बुलेट काठमाडौं आउँदैछन् ।
साँझसम्म ग्यासका बुलेटको संख्या अझै बढ्ने र बाटोमा रोकिएका सबै बुलेट काठमाडौं भित्रिने निगमले जनाएको छ ।
प्रवक्ता ठाकुरका अनुसार काठमाडौं भित्रिएका ग्यास बुलेटबाट मंगलबारदेखि बोटलिङ प्लान्टमा ग्यास रिफिलिङको काम तीव्र बनाइनेछ ।
ग्यास सिलिन्डर सर्वसाधारण तथा बजारसम्म पुर्याएर नियमित वितरण गरिने भएकाले मुख्य राजमार्ग खुलेसँगै
