काठमाडौं, २३ फागुन । प्रतिनिधिसभा सदस्य निर्वाचन अन्तर्गत सर्वाधिक चासो रहेको झापा ५ मा रास्वपा वरिष्ठ नेता बालेन शाहले ऐतिहासिक जित दर्ता गरेका छन्।
निर्वाचन आयोगका अनुसार उनले ६८ हजार ३ सय ४८ मत प्राप्त गरी विजयी भएका हुन्। उनका प्रतिद्वन्द्वी नेकपा एमलेका अध्यक्ष केपी शर्मा ओलीले १८ हजार ७ सय ३४ मत ल्याएका छन्।
बालेनको यो मत उनका ‘हेबिवेट’ प्रतिद्वन्द्वी ओलीको भन्दा ४९ हजार ६१४ ले बढी हो।
श्रम संस्कृति पार्टीका रमीर तामाङले ९ हजार २३३ मत प्राप्त गरे। नेपाली कांग्रेसकी मन्धरा चिमरियाले १ हजार ८२१ मत ल्याउँदा राष्ट्रिय प्रजातन्त्र पार्टीका लक्ष्मीप्रसाद संग्रौलाले एक हजार ५३६ मत ल्याए। नेपाली कम्युनिष्ट पार्टी ९नेकपा० का रन्जित तामाङले एक हजार ४६१ मत पाए।
