काठमाडौँ, १६ फागुन । नेपाल यातायात व्यवसायी राष्ट्रिय महासंघका पूर्व अध्यक्ष हिरा उदासको निधन भएको छ । विराटनगरस्थित विराट टिचिङ्ग अस्पतालमा उनको शनिबार उपचारका क्रममा निधन भएको महासंघले जनाएको छ।
स्वर्गीय हिरा उदासले सार्वजनिक यातायात क्षेत्रको बृहत् एकता, समुन्नत विकास र सुधारमा अतुलनीय योगदान पुर्याएको महासंघले जनाएको छ ।
पूर्व अध्यक्षको निधनप्रति गहिरो दुःख व्यक्त गर्दै महासंघले उनको योगदानको स्मरण गर्दै सातवटै प्रदेश कार्यालयमा तीन दिनसम्म आधा झण्डा झुकाउने जनाएको छ ।
