काठमाडाैं, ९ फागुन । विश्लेषक तथा लेखक डा. लोक भट्टराईले संघीयतामार्फत सिंहदरबारको अधिकार गाउँ गाउँमा पुगेको दाबी गरिए पनि काम लिएर अझै सिंहदरबार धाउनु पर्ने बाध्यता रहेको बताउनुभएको छ ।
रेडियो काठमाण्डुको कार्यक्रम राईट कर्नरमा कुराकानिका क्रममा उहाँले स्थानिय मुकाम भएपछि भने सानो कामले सदरमुखकाम धाउनु पर्ने वाध्यता भने हटेको बताउनुभयो ।
केहि कुरामा संघियता पछि जनतालाई सहज भएपनि सिंहदरबारको अधिकार गाउँगाउँमा पुगेको जनताले महसुस गर्न नसकेको बताउनु भएको छ ।
उहाँले स्थानिय देखि केन्द्र सरकारसम्म विकासका नाउँमा भवन तथा सडक, विमानस्थल तथा रंगशाला, भ्यूटावर तथा पार्कहरू बन्नुलाई मात्र विकास सोच्ने गरिएको बताउनु भयो ।
अहिलेको विकासले यी र यस्तै संरचनाहरूको निर्माणलाई जोड दिएको पाईएको उहाँले बताउनुभयो ।
