पाकिस्तानले चौंथो टी–ट्वान्टी अन्तर्राष्ट्रियमा इंग्ल्यान्डलाई पराजित गरेको छ ।
पाकिस्तानको कराँचीमा गयराति भएको खेल रोमाञ्चक बन्दै पाकिस्तानले इंग्ल्यान्डमाथि जम्मा ३ रनको जित निकाल्यो । जितसँगै पाकिस्तानले ७ खेलको सिरिजमा २–२ को बराबरी गरेको छ ।
पाकिस्तानले दिएको १ सय ६७ रनको लक्ष्य पछ्याएको इंग्ल्यान्ड १९ ओभर ३ बलमा अलआउट हुँदै १ सय ६३ रनमा समेटियो ।
त्यसअघि पहिले ब्याटिङ गरेको पाकिस्तानले २० ओभरमा ४ विकेट गुमाएर १ सय ६६ रन जोडेको थियो ।
