काठमाडौं । प्रतिनिधि सभा बैठक चलिरहेका बेला कांग्रेस सांसद तथा लेखा समितिका सभापति भरत खड्का आफू बसेकै कुर्सीबाट ढलेका छन् ।
खड्का ढलेलगत्तै सांसद सोम शर्मालाई बोल्न रोकेर सभामुखले केहीबेर सदनको कारवाही स्थगित गरेका थिए ।
डोटीबाट निर्वाचित सांसद खड्कालाई उच्च रक्तचापका कारण चक्कर आएर कुर्सीबाट ढलेको बताइएको छ । उनको रक्तचाप १६० पुगेको संसद सचिवालय स्रोतले जनाएको छ ।
खड्कालाई अस्पताल पठाइएको संसद भवनमा रहेका एमालेका प्रमुख सचेतक ऐन महरले नेपाल प्रेसलाई जानकारी दिए ।
