एनएसएलमा एफसी झापाको पहिलो जित

काठमाडौं, मंसिर २६ । नेपाल सुपर लिग ९एनएसएल० मा एफसी झापाले पहिलो जित हात पारेको छ ।

आज त्रिपुरेश्वरको स्थित दशरथ रङ्गशालामा भएको खेलमा झापाले एफसी बुटवल लुम्बिनीलाई १–० गोलले पराजित गरेको हो । झापाले खेलको पहिलो हाफमा गरेको गोल नै निर्णायक भयो ।

जितसँगै झापा पाँच खेलमा छ अङ्कका साथ तालिकाको छैटौँ स्थानमा उक्लिएको छ । झापाले यसअघिका चार खेलमा एकमा हार र तीनमा बराबरी खेलेको थियो ।

पराजित बुटवल लुम्बिनी छ खेलमा सात अङ्कसहित तालिकाको पाँचौँ स्थानमा यथावत् छ । उसले यसअघि दुई जित, दुई हार र एक बराबरी खेलेको थियो ।