काठमाडौं, असोज २९
नेकपा एमालेका अध्यक्ष केपी शर्मा ओलीले बुबाको हातबाट बडा दशैंको टीका ग्रहण गर्नुभएको छ ।
झापाको दमकस्थित आफ्नै निवासमा रहनुभएका अध्यक्ष ओलीले विजया दशमीको दिन बुबा मोहनप्रसाद ओली र ठूली आमा हरीमाया ओलीको हातबाट बडा दशैंको टीका ग्रहण गर्नुभएको हो । साथै उहाँले पत्नी राधिका शाक्य ओलीलाई पनि बडा दशैंको टीका लगाई दिनुभएको छ ।
सोही क्रममा ओलीले आफन्त र सर्वसाधारणलाई समेत टीका लगाई दिनुभएको छ । पार्टीका स्थानीय नेता, कार्यकर्ता, समर्थक, शुभेच्छुकहरुलाई टीका र जमरालगाई आशिर्वावाद दिनुभएको हो ।
