काठमाडौं, १६ असोज । नेकपा (एमाले) कोशी प्रदेश कमिटीको अध्यक्षमा घनश्याम खतिवडा विजयी हुनुभएको छ ।
प्रतिस्पर्धी विनोद ढकाललाई ८२ मतले पराजित गर्दै खतिवडा अध्यक्षमा निर्वाचित हुनुभएको हो । अन्य पदाधिकारीमा पनि खतिवडा समुहकै निर्वाचित भएका छन् ।
राती सम्पन्न मतगणनाको अन्तिम परिणाम अनुसार खतिवडाले ५ सय १२ मत पाउँदा उहाँका प्रतिस्पर्धी विनोद ढकालले ४ सय ३० मत ल्याउनुभयो भने ३५ मत बदर भएको छ ।
खतिवडा मोरङ १ बाट निर्वाचित पूर्व सांसद्समेत हुनुहुन्छ । सचिवमा पाँचथरका राजकुमार भण्डारी तथा उपसचिवमा खोटाङका देवान राई र झापाकी जलवर्षा राजवशी विजयी हुनुभएको छ ।
उपाध्यक्षमा धनकुटाका टीकराम चेम्जोङ निर्विरोध निर्वाचित हुनुभएको थियो ।
