लोक दोहिरी गायनको क्षेत्रमा लोकप्रिय बनेकी गायिका कल्पना दाहालले सुटुक्कै विवाह गरेकी छन् ।
प्राप्त जानकारी अनुसार उनले परिवारका सिमित सदस्यलाई साक्षीको रुपमा राखेर ‘कोर्ट म्यारिज’ गरेकी हुन् । उनले अमेरिका निवासी पुण्यप्रसाद आचार्यसंग सुटुक्कै अदालती विवाह गरेकी हुन् ।
जिल्ला अदालत काठमाडौं स्रोतले उनको विवाह भएको पुष्टि गरेको छ । टेलिभिजन कार्यक्रम इन्द्रेणबाट दोहिरी गाएर आफ्नो नाम स्थापित गराउन सफल दाहालको थुप्रै गीतहरु हिट छन् ।
उनी सोमबार विवाह दर्ताको लागि अदालत पुगेकी थिइन् । तर, विवाह दर्ता प्रमाणपत्र भने मंगलबार साढे १ बजे मात्रै पाएको श्रोतको भनाइ छ ।
दाहाल र आचार्यले विवाह दर्ताको प्रमाणपत्र पाएपछि काठमाडौं जिल्ला अदालतलाई पृष्ठभूमि बनाएर फोटो समेत खिचेका छन् ।
तर, कल्पनाले भने आफ्नो विवाह भएको अस्विकार गरेकी छन् । अब उनले किन अस्विकार गरिन भन्ने कुरा उनैले जानुन् । जे होस् उनलाई बैवाहिक जिवनको शुभकामना ।
