काठमाडौं, असार ३१ । नेकपा एमालेका सांसद पदम गिरीले सरकारले गरेका राम्रा कामलाई देख्न नसक्नेहरुले सरकारमाथि भ्रम छर्न खोजेको बताउनुभएको छ ।
मंगलबार प्रतिनिधिसभा बैठकमा बोल्दै सांसद गिरीले बिकास निर्माणका सवालमा सरकारले गरेका राम्रा कामलाई चूनौति दिन नसकेपछि प्रधानमन्त्रीको स्पेन भ्रमणलाई देखाएर भ्रम छर्न खोजेको बताउनुभएको हो । उहाले प्रधानमन्त्रीसंग स्पेन गरेका सवै सदस्यहरुले स्वदेश फकिएको उल्लेख गर्दै अघिपछि बिभिन्न बिमानमार्फत गएका व्यक्तिहरुको जिम्मा सरकारले लिन नसक्ने तर्क गर्नुभयो ।
त्यस्तै सांसद गिरीले वर्तमान सरकारको १ बर्षमा बिग्रिएको अर्थतन्त्रलाई सहि दिशामा ल्याउने काम भएको दावी गर्नुभयो । बिगतको सरकारले भन्दा अहिलेको सरकार आएपछि राजस्व संकलनमा बृद्धि भएको, आर्थिक बृद्धिमा सुधार भएको, मुद्रा संचितीको अवस्थामा सुधार आएको उहाले बताउनुभयो ।
उहाले आर्थिक क्षेत्रमा निकै सुधार भएपनि प्रयाप्त नभएकाले सवै मिलेर मुलुकको बिकास र समृद्धिमा बहस गर्न जरुरी रहेको धारणा राख्नुभयो ।
