सुनको मूल्य तोलामा २२०० ले घट्यो

काठमाडौं , २९ कात्तिक ।  नेपाली बजारमा आज सुनको मूल्य प्रतितोला २ हजार २०० रुपैयाँले घटेको छ।

बुधबार प्रतितोला १ लाख ६२ हजार २०० मा कारोबार भएको छापावाल सुनको मूल्य आज १ लाख ६० हजार निर्धारण गरिएको नेपाल सुनचाँदी व्यवसायी महासंघले जनाएको छ।

यस्तै, चाँदीको मूल्य तोलामा ३५ रुपैयाँले घटेको छ। बुधबार प्रतितोला १ हजार ९४० मा कारोबार भएको चाँदी आजका लागि भने १ हजार ९०५ रुपैयाँ निर्धारण भएको महासंघले जनाएको छ।