काठमाडौँ, २८ मङ्सिर । पछिल्लो चार दिनदेखि लगातार घटिरहेको सुनको मूल्य आज भने ह्वात्तै बढेको छ। नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला २८ सय रुपैयाँले बढेर १ लाख १८ हजार ८०० रुपैयाँ कायम भएको छ।
यसैगरी, तेजावी सुनको मूल्य तोलाको १ लाख १८ हजार २५० रुपैयाँ निर्धारण भएको छ। यसअघि आइतबार, सोमबार, मंगलबार र बुधबार सुनको भाउ क्रमशः घटेको थियो। बुधबार छापावाल सुन १ लाख १६ हजार रुपैयाँ कायम रहेको थियो। यसैगरी, तेजावी सुनको भाउ तोलाको १ लाख १५ हजार ४५० रुपैयाँ निर्धारण भएको थियो।
