काठमाडौ, १८ भदौ । एसिया कप क्रिकेट प्रतियोगितामा आज नेपालले भारतसगँ प्रतिस्पर्धा गर्दैछ।
नेपाली समयअनुसार आज दिउँसो सवा ३ बजे हुने खेल श्रीलंकाको पालेकेले मैदानमा हुदैछ। यो खेलको विजेता टोली सुपर फोरमा पुग्नेछ।
आजको खेलमा अर्ना बियरले नेपाली टोलीले प्रहार गर्ने प्रत्येक छक्का, चौका र विकेटका लागि टोलीलाई नगद पुरस्कार दिने भएको छ। अर्नाले सामाजिक सञ्जालमार्फत प्रत्येक छक्का र विकेटको १/१ लाख र चौकाको २५ हजार दिने घोषणा गरेको हो।