२० असोज, काठमाडौं । नेपाली कांग्रेसका नेता डा. चन्द्र भण्डारीले उपसभापतिमा मनोनयन दर्ता गरेका छन् । कांग्रेसको १५ औं महाधिवेशन अन्तर्गत उनले खुला उपसभापति पदमा उम्मेदवारी दर्ता गरेका हुन् ।
भण्डारी १४ औं महाधिवेशनमा पनि उपसभापति पदमै प्रतिस्पर्धा गरेका थिए । त्यो बेला डा. शेखर कोइरालाको प्यानलबाट प्रतिस्पर्धा गरेका उनी पराजित भएका थिए । दुई जनाका लागि भएको निर्वाचनमा पूर्णबहादुर खड्का र धनराज गुरुङ उपसभापति पदमा निर्वाचित भएका थिए ।
भण्डारीले रूपान्तरित कांग्रेस निर्माणलाई आफ्नो उम्मेदवारीको मुख्य एजेन्डा बनाएका छन् ।
