सुनको मूल्य एकैदिन तोलामा ८ हजार १ सय रुपैयाँले बढ्यो

काठमाडौँ, १९ फागुन । नेपाली बजारमा सुनको मूल्य आज एकैदिन तोलाको ८ हजार १ सय रुपैयाँले बढेको छ । नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य प्रतितोला तीन लाख २८ हजार ६ सय रुपैयाँ कायम भएको छ ।

महासंघका अनुसार चाँदीको मूल्य भने घटेको छ। मंगलबार चाँदी प्रतितोला ५ हजार ८ सय १५ रुपैयाँ तथा प्रतिदश ग्राम ४ हजार ९ सय ८५ रुपैयाँ कायम भएको छ।