काठमाडौँ। साताको पहिलो कारोबार दिन आइतबार नेपाल स्टक एक्सचेन्ज (नेप्से) करिब २६ अंकले घट्दै कमजोर रूपमा बन्द भएको छ।
मंसिर १४ गतेको कारोबारमा नेप्से २६.५१ अंकले घटेर २६४९.५२ विन्दुमा स्थिर भएको हो।
नेप्सेका अनुसार आज ४५ कम्पनीको सेयर मूल्य बढेको छ भने २११ कम्पनीको मूल्य घटेको छ।
आइतबार कुल ७ अर्ब ८ करोड ५४ लाख ४९ हजार ३३३ रुपैयाँ बराबरको कारोबार भएको छ।
३४२ कम्पनीका १ करोड ५७ लाख ३६ हजार ३७२ कित्ता सेयर ८४ हजार १५६ पटकको कारोबारमार्फत हातबदल भएका छन्।
आज सागर डिस्टिलरी, निफ्रा ग्रीन इनर्जी, स्वस्तिक लघुवित्त, झापा इनर्जी र श्रीनगर एग्रिटेकका सेयरमा पोजेटिभ सर्किट लागेको छ।
त्यस्तै, एनआईएमबी डिबेन्चर, जोशी हाइड्रो, हिमाल दोलखा हाइड्रो, स्वेतगंगा हाइड्रो र हिमालयन हाइड्रो आजका सर्वाधिक घट्ने शीर्ष पाँच कम्पनी बनेका छन्।
उपसूचकतर्फ म्यानुफ्याक्चरिङ एन्ड प्रोसेसिङ र म्युचुअल फन्ड समूहमा वृद्धि देखिएको छ, जबकि बाँकी ११ समूह सूचक आज राताम्मै बन्द भएका छन्।
