सुन तोलामा १ हजार ९ सय रुपैयाँले घट्यो

काठमाण्डौं, ८ मंसिर । नेपाली बजारमा आज सुनचाँदीको भाउ घटेको छ । सुनको भाउ आज तोलामा एक हजार नौ सय रुपैयाँले घटेर तोलाको दुई लाख ४२ हजार सात सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको दुई लाख ४४ हजार ६ सय रुपैयाँ थियो ।

त्यस्तै चाँदी आज २० रुपैयाँले घटेर तोलाको तीन हजार एक सय १५ रुपैयाँमा कारोबार भइरहेको महासङ्घले जनाएको छ ।