काठमाडौं, १७ असोज । नेपाल नागरिक उड्डयन प्राधिकरणले चाडपर्वको बेला हवाई भाडा महँगो हुने अवस्थालाई ध्यानमा राख्दै नयाँ भाडादर सार्वजनिक गरेको छ ।
जसमा सबैभन्दा बढी काठमाडौं धनगढीको १७ हजार ५७९ भाडा दर रहेको छ ।
यस्तै, काठमाडौं विराटनगर भाडा ९ हजार ७८५ रहेको छ । काठमाडौं भरतपुरको ४ हजार ६४३, काठमाडौं भद्रपुर १२ हजार ११२, जनकपुरको ५ हजार ४७०, पोखराको ६ हजार ६३५ र नेपालगन्जको १३ हजार १०३ रुपैयाँ रहेको छ ।
सिमराको ३ हजार ९७८, भैरहवाको ८ हजार ४६१, राजविराजको ८ हजार २१०, सुर्खेतको ९ हजार ३० र तुम्लिङ्टारको ७ हजार ६३० रुपैयाँ तय भएको छ ।
तय भएको दरभन्दा बढी रकम लिएर टिकट विक्री गरेको पाइएमा कानूनबमोजिम कारबाही गरीने प्राधिकरणले जनाएको छ ।
