सुनचाँदीको भाउ लगातार बढ्यो, सुन तोलाको दुईलाख ५ हजार ३ सय रुपैयाँ

काठमाण्डौं, १६ भाद्र । सुन र चाँदीको भाउ लगातार बढेको छ । सुनको भाउ आज एकैदिन तोलामा १ हजार सात सय रुपैयाँले बढेर २ लाख ५ हजार ३ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

आइतबार सुनको भाउ तोलामा दुई लाख तीन हजार ६ सय रुपैयाँ थियो ।

चाँदीको भाउ पनि अहिलेसम्मकै उच्च रहेको छ । आज चाँदीको भाउ तोलामा ४५ रुपैयाँले बढेर २ हजार ४ सय ७० रुपैयाँ पुगेको महासङ्घले जनाएको छ । हिजो चाँदीको भाउ तोलाको दुई हजार चार सय २५ रुपैयाँ थियो ।