आज सुनको मूल्य स्थिर, चाँदी ४० रुपैयाँले घट्यो

काठमाडौं, ३१ असार। नेपाली बजारमा आज (मंगलबार) सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार सोमबारकै मूल्यमा छापावाल सुन बजारमा कारोबार भइरहेको हो ।

जसअनुसार आज छापावाल सुन प्रतितोला १ लाख ९३ हजार ३०० रुपैयाँ कायम भएको छ ।

यस्तै आज चाँदीको मूल्य भने घटेको छ । सोमबार तोलामा २ हजार ३१५ रुपैयाँ कायम भएको चाँदीको मूल्य आज घटेर तोलामा २ हजार २७५ रुपैयाँमा कारेबार भएरहेको महासंघले जनाएको छ ।