धनगढी । सुदूरपश्चिम प्रदेशका मुख्यमन्त्री खगराज भट्टले प्रदेशसभाबाट विश्वासको मत प्राप्त गरेका छन् ।
बुधबार बसेको प्रदेशसभा बैठकमा मुख्यमन्त्री भट्टले विश्वासको मत मागेका थिए । बैठकमा सहभागी सांसदहरूमध्ये ४१ जनाले उनको पक्षमा मतदान गरेका थिए भने विपक्षमा ५ मत परेको थियो ।
सभामुख भीमबहादुर भण्डारीले विश्वासको मतसम्बन्धी प्रस्तावको पक्षमा बहुमत प्राप्त भएको घोषणा गर्दै भट्टले विश्वासको मत पाएको जानकारी गराएका हुन् ।
नेकपाका २० तथा एमालेका ११ प्रदेशसभा सदस्यले भट्टको पक्षमा मतदान गरेका थिए ।
एमालेको समर्थनमा भट्ट गत शुक्रबार सुदूरपश्चिम प्रदेशको मुख्यमन्त्रीमा नियुक्त भएका थिए ।
