काठमाडौं । नेकपा एमालेका संसदीय दलका नेता रामबहादुर थापा ‘बादल’ले राष्ट्रिय स्वतन्त्र पार्टी (रास्वपा) का सभापति रवि लामिछानेलाई प्रधानमन्त्रीसहित सरकार पुनर्गठन गर्न आग्रह गरेका छन् ।
प्रतिनिधिसभाको बैठकमा बोल्दै थापाले पार्टीको प्रमुख नेताको हैसियतले सरकार पुनर्गठनको पहल गर्न लामिछानेलाई आग्रह गरेका हुन् ।
प्रधानमन्त्री बालेन शाहको कार्यशैलीमा सुधार नआए र लामिछानेले सरकार पुनर्गठनको पहल नगरे आन्दोलनमा जाने चेतावनीसमेत उनले दिए ।
थापाले राष्ट्रियता र जनजीविकाका विषयलाई लिएर विगतका आन्दोलनभन्दा ठूलो जनआन्दोलन हुने दाबी गरे ।
उनले भने, ‘राष्ट्रियता र जनजीविका पुनर्स्थापित गर्न छिट्टै चारैतिरबाट ७, ४७ र ६२ सालको भन्दा विशाल अकल्पनीय जनसुनामी आउनेछ । निश्चित आउनेछ ।’
