सत्तारुढ गठबन्धनबिच आगामी मंसिर ४ गते हुने चुनावमा सिट बाँडफाँडको टुंगो लगाउन बनेको कार्यदलले प्रतिवेदन तयार गरेको छ ।
प्रतिवेदनलाई भोलि कार्यदलले अन्तिम रूप दिएर भोलि नै शीर्ष नेताहरूलाई बुझाइने सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले बताए ।आज कार्यदलको बैठकपछि पत्रकारसँग बोल्दै उनले सिट बाँडफाँड करिब–करिब टुंगिएको जानकारी दिए ।
कार्कीका अनुसार भोलि बिहान ९ बजे कार्यदल बैठक बसेर प्रतिवेदनलाई अन्तिम रूप दिने छ । त्यसपछि शीर्ष नेतालाई बुझाउने तयारी छ ।गठबन्धनका एक नेताले भने अझै पनि सिट बाँडफाँड टुंगिनसकेको बताए ।सबै दलहरूले सिटसंख्या भने घटाउँदै लगेको र सहमति उन्मुख बनेको उनको भनाइ छ ।
