काठमाडौ, १४ असोज । सरकारले सुन तस्करी प्रकरणको छानविन गर्न उच्चस्तरीय जाँचबुझ आयोग गठन गर्ने निर्णय गरेको छ ।
सिंहदरबारमा आइतबार बसेको मन्त्रिपरिषद् बैठकले उच्च अदालतका पूर्वन्यायाधिश डिल्लीराज आचार्यको संयोजकत्वमा चार सदस्यीय आयोग गठन गर्ने निर्णय गरेको हो ।
आयोगको सदस्यहरुमा किशोरजंग कार्की, प्रेमराज जोशी र सहकुल थापा रहनुभएको सरकारका प्रवक्ता रेखा शर्माले जानकारी दिनुभयो ।
आयोगले सुन तस्करीको नियन्त्रण गर्न सुझाव सहितको प्रतिवेदन पेश गर्न आयोग गठन गरिएको उहाले बताउनुभयो । प्रवक्ता शर्माले सरकारका निकायहरुले गरेको छानविनलाई पनि आधार मानेर आयोगले काम गर्ने धारणा राख्नुभयो ।
