काठमाडौं, १५ असोज । कैलालीको धनगढीमा जारी सुदूरपश्चिम राजधानी कप राष्ट्रिय फुटबल प्रतियोगिताको उपाधीका लागि आज लुम्बिनी र कर्णाली प्रदेश प्रतिस्पर्धा गर्दैछन् ।
धनगढी रङ्गशालामा हुने आजको अन्तिम खेल दिउँसो ३ बजेबाट सुरु हुनेछ ।
प्रतियोगिताको विजेताले नगद ५ लाख, सहित ट्रफी मेडल र प्रमाणपत्र पाउनेछन भने उप विजेताले नगद ३ लाख सहित ट्रफी मेडल र प्रमाणपत्र प्राप्त गर्नेछन् ।
प्रतियोगीतामा विभिन्न विधाका उत्कृष्ट खेलाडीहरूले जनही १० हजार नगद पाउँदा उत्कृष्ट खेलाडीले नगद २० हजार प्राप्त गर्नेछ ।
