काठमाडौं, ३१ असार । केन्द्रीय समितिको बैठकमा पेश गर्ने एजेण्डाबारे छलफल गर्न नेपाली कांग्रेसका सभापति शेरबहादुर देउवाले पार्टीका पदाधिकारी र पूर्व पदाधिकारीको बैठक बोलाउनुभएको छ ।
सभापति देउवाले आफ्नै निवासमा सोमबार दिउँसो २ बजे छलफलका लागि पदाधिकारी बैठक बोलाउनुभएको हो ।
सोमबार पदाधिकारीसित छलफल गरेपछि पर्सि बिहान दुई महामन्त्री गगन थापा र विश्वप्रकाश शर्मासँग फेरि छलफल गर्ने तयारी सभापति देउवाले गर्नुभएको छ ।
गत असार २७ मा बस्ने भनिएको कांग्रेस केन्द्रीय समितिको बैठक साउन गते २ सम्मका लागि स्थगित भएको छ । सोमबारको बैठकले केन्द्रीय समितिको बैठकका एजेण्डा तय गरेर केन्द्रीय समिति बैठकमा पेस गर्ने तयारी छ
