काठमाण्डौ, फागुन ९ । पश्चिम नवलपरासीको सुस्ता गाउँपालिका–२ हरकपुरमा रहेको गण्डक नहरमा हराइरहेका तीन जनाको शव फेला परेको छ ।
दुई जना छोरासहित बेपत्ता महिलाको शव सलले एकै ठाँउमा बाँधेको अवस्थामा नहरमा भेटिएको जिल्ला प्रहरी कार्यालय पश्चिम नवलपरासीका प्रहरी नायब निरीक्षक विनोद सिलवालले जानकारी दिनुभयो । गण्डक नहरमा आज मदिउँसो नौ वर्षीय छोरा क्रिस र सात वर्षीय छोरा सुमितसहित आमा २९ वर्षकी प्रतिमा थारुले हाम फालेका थिए ।
प्रहरीले घटनाबारे थप अनुसन्धान गरिरहेको जनाएको छ ।
