काठमाडौं, २४ भदौ।।यु-१७ साफ च्याम्पियनसिपअन्तर्गत भारतविरुद्धको खेलका लागि नेपालका प्रशिक्षक उर्जन श्रेष्ठले सुरुवाती ११ सार्वजनिक गरेको छन्।
चोटका कारण कप्तान प्रशान्त लक्ष्यम टोलीमा छैनन् । उनको स्थानमा सिमन्त थापाले नेपाली टोलीको कप्तानी सम्हाल्नेछन् ।
त्यस्तै पहिलो खेलमा अवसर पाएका सिजन राईले पनि भारतविरुद्ध टोलीमा स्थान बनाउन सकेनन् । उनीहरुको स्थानमा लक्षु थापा र मिराक लिङ्देनले टोलीमा स्थान बनाएका छन् ।
पहिलो खेलमा भुटानलाई हराएका नेपाल र भुटान दुवै सेमिफाइनल प्रवेश गरिसकेका छन् । दुवै टोली जितसहित समूह ‘बी’ को विजेता बन्ने दौडमा छन् ।
नेपाली टोली
गोलकिपरः क्रिसल मोक्तान
रक्षकः सिमान्त थापा(कप्तान), अश्विन घोरासैनी,दिपक थापा मगर
मिडफिल्डरः युनिस बुढाथोकी , हरिस भट्ट,निशान्त तामाङ,मिराक लिङदेद, लक्षु थापा
स्ट्राइकरः निरोज कार्की, सुवास बम
न्युज कारखाना
