एसिया कप क्रिकेटको सुपर फोर प्रतियोगितामा भारत पराजित भएको छ ।
राति भएको खेलमा श्रीलङ्काले भारतलाई ६ विकेटले हराएको हो ।
हारसँगै भारतलाई फाइनल पुग्न निकै कठिन हुने भएको छ ।
भारतले दिएको १७४ रनको लक्ष्य श्रीलङ्काले १९ दशमलव ५ ओभरमा ४ विकेट गुमाउँदै पूरा गर्यो ।
यसअघि टस हारेर पहिले ब्याटिङ गरेको भारतले निर्धारित २० ओभरमा ८ विकेट गुमाउँदै १७३ रन बनाएको थियो ।
सुपर ४ मा श्रीलङ्का २ खेल जित्दै ४ अङ्कसहित शीर्ष स्थानमा छ । त्यस्तै २ अङ्कसहित पाकिस्तान दोस्रो स्थानमा छ ।
