सानीभेरी नदीमा दुई किशोरीको शव फेला, एक किशोरी बेपत्ता

काठमाण्डौं, २६ फागुन । रुकुम पश्चिम जिल्लाको बाँफिकोट गाउँपालिका–३ भाग्ले नजिकै सानीभेरी नदीमा आज दुई किशोरीको शव फेला परेको छ । साथै उनीहरुसँगै गएकी एक किशोरी बेपत्ता भएकी छन् ।

जिल्ला प्रहरी कार्यालयका अनुसार बेपत्ता किशोरीको खोजी भइरहेको जारी छ । बाँफिकोट गाउँपालिका–३ गरालागोठकी १४ वर्षीया उर्मिला ओली र त्यही ठाउँकी १२ वर्षीया कल्पना ओलीको शव भाग्ले नजिकै सानीभेरी नदी किनारामा फेला परेको जिल्ला प्रहरीका प्रहरी निरीक्षक हरिप्रसाद पुनले जानकारी दिए ।

बेपत्ता १२ वर्षीया सपना ओलीको खोजी भइरहेको छ । उर्मिला र कल्पनाको ५ सय मिटर दूरीको अन्तरमा शव फेला परेको हो । उनीहरु हिजो छिमेकीको विवाहमा गएका थिए । घर फर्किने क्रममा नदीले बगाएको हुनसक्ने प्रहरीले अनुमान गरेको छ ।