काठमाडौं, १५ मंसिर । काठमाडौं महानगरपालिकाका मेयर बालेन शाहका बुवा रामनारायण शाहको निधन भएको छ । उनको आज मध्यान्ह निधन भएको हो ।
उपचारको क्रममा नयाँ बानेश्वरस्थित सिभिल अस्पताल निधन भएको हो । मेयर बालेनको सचिवालयका अनुसार उनको मुटुमा समस्या देखिएपछि उनी हिजो बिहान बेहोस भएका थिए । शाहको शरीरमा रगत समेत जाम भएको थियो । उनी आइतबार बिहान अस्पताल भर्ना भएका थिए भने भेन्टिलेटरमा राखेर उपचार भइरहेको थियो ।
