पोखरा। नेपाली कम्युनिस्ट पार्टीका संयोजक ८८पुष्पकमल दाहाल ‘प्रचण्ड’८८ले आगामी निर्वाचन फागुन २१ गते नै हुने दाबी गरेका छन्। आइतबार पोखरामा आयोजित प्रदेशस्तरीय एकता सन्देश सभालाई सम्बोधन गर्दै उनले निर्वाचनबारे कुनै दुविधामा नबस्न आग्रह गरे।
प्रचण्डले चुनाव गराउन चीन, भारतलगायत छिमेकी राष्ट्रहरू तथा सरकार आफैँ पनि सकारात्मक रहेको बताए। उनले सरकारलाई चुनावी वातावरण सहज बनाउन आवश्यक तयारी र पहल गर्न आग्रह गरे।
प्रचण्डले सरकार ठूलो जनाधार भएका दललाई बेवास्ता गर्दै “जनाधारहीन पक्षसँगमात्र संवाद गरिरहेको” आरोप लगाए। उनीहरूले आफूहरूसँग संवाद गर्न सरकारले हिच्किचाउनु नहुने चेतावनी दिए।
उनले हालको सरकार आफू र माधवकुमार नेपालले मिलेर बनाएको उल्लेख गर्दै, सरकारलाई यो तथ्य हेक्का राख्नुपर्ने पनि भने।
