काठमाडौं, २९ कात्तिक । गायिका तथा मोडल रितु तामाङले आफ्नो नयाँ साङ्गीतिक कोसेली ‘अच्छा लेकीन’ सार्वजनिक गरेकी छन् । राष्ट्रिय लोक सञ्चारकर्मी नेपालको आयोजनामा शुक्रबार औपचारिक कार्यक्रमका बीच गीतलाई विमोचित गरिएको हो ।
कार्यक्रममा राष्ट्रिय लोक सञ्चारकर्मी नेपालका अध्यक्ष चन्द्रमणी गौतमको सभापतित्व तथा पूर्व सांस्कृतिक पर्यटन तथा उड्ययन राज्य मन्त्री परशुराम तामाङले प्रमुख आतिथ्यता ग्रहण गरेका थिए ।
उक्त सार्वजनिक गीतका संगीतकार विश्वास नेपालले बुबाद्धारा प्रेरित भई यो संगीत तयार पारेको जानकारी दिए । यस गीतबाट बुबाको समेत सपना पुरा गरेकाले यो गीत आफ्नो करिअरका लागि विशेष रहेको बताए । त्यस्तै गायिका एवं मोडल रितुसँग सहकार्य गर्न पाएकोमा खुशी प्रकट गर्दै लगानी नै गरेर सांगीतिक क्षेत्रलाई चलायमान पारेकोमा धन्यवाद दिए ।
त्यस्तै गायिका तथा मोडल रितु तामाङले उपस्थित अतिथिहरुलाई धन्यवाद ज्ञापन गर्दै आफूले गरेको कामलाई प्रोत्साहन गरिदिन आग्रह गरिन् । यसैगरी राजकुमार बैदारले पहिलो पटक अभिनय गर्ने अवसर जुराएकोमा गीतको टिमलाई आभार प्रकट गरे । उनले नयाँ अनुहार नयाँ काम भएकाले जे जस्तो भएपनि स्विकार्न अनुरोध गरे ।
कार्यक्रममा पूर्व सभासद धनबहादुर घले, इन्द्रेणी समाजका अध्यक्ष लोकप्रिय गायक कृष्ण कँडेल, संगीतकर्मी संघ नेपालका अध्यक्ष प्रकाश कटुवाल, लोकप्रिय गायक बद्री पंगेनी, विमोचित म्यूजिक भिडियोका, संगीतकार तथा एरेन्जर विश्वास नेपाल, निर्देशक मौसम हिमाली लगायतको उपस्थितिमा उक्त श्रव्यदृश्य सामग्री सार्वजनिक गरिएको थियो ।
