काठमाडौं, १३ मंसिर । नेकपा (एकीकृत समाजवादी) पार्टीले सत्ता गठबन्धनलाई निरन्तरता दिएर अघि बढ्ने निर्णय गरेको छ।
मंगलबार बसेको सचिवालय बैठकले प्रतिनिधिसभा र प्रदेशसभामा आफ्नो परिणाम सोचेजस्तो आउन नसकेको प्रारम्भिक समीक्षा पनि गरेको छ ।
नेकपा एसका उपमहासचिव तथा प्रवक्ता जगन्नाथ खतिवडाले भने, ‘हामीले सोचेजस्तो परिणाम आएको छैन । तर पनि गठबन्धनको कारण पाएको उपलब्धिको रक्षा गर्नुपर्छ भन्ने निष्कर्षमा हामी पुगेका छौं ।’
चुनावको अन्तिम नतिजा आउन बाँकी रहेकाले विस्तृत समीक्षा पछि गरिने बताए।
