काठमाडौं, १४ साउन । रूसमा गएको शक्तिशाली भुकम्पका कारण जापानमा सुनामी आएको छ ।
स्थानीय समाचार संस्थाहरूले जापानमा ५० सेन्टीमिटर अग्लो सुनामीको छाल नापिएको जनाएका छन ।
जापानले रिपोर्ट गरेको छ कि पूर्वी तटमा मियागी प्रिफेक्चरको प्रमुख सहर इशिनोमाकी बन्दरगाहमा ५० सेन्टीमिटर (१.६ फीट) सम्म अग्लो छालहरू रेकर्ड गरिएको थियो।
अन्यत्र भने पहिलो सुनामी छालहरू २० सेन्टिमिटरदेखि ४० सेमी मापन गरिएको जापानी अधिकारीहरूले बताएका छन् ।
दोस्रो र तेस्रो छालहरू अझ ठूला हुन सक्ने बताउँदै सतर्क हुन भनिएको एनएचके वर्ल्डले जनाएको छ ।
यसअघि नै चेतावनी दिएको थियो कि सुनामी छालहरू सामान्य छालहरू भन्दा शक्तिशाली छन् र ५० सेन्टीमिटर छालले २०० किलोग्रामसम्मको प्रेसर दिन सक्छ ।
