२४ जेठ, काठमाडौं । गर्मी बढेसँगै सिन्धुपाल्चोकको सुकुटे क्षेत्रमा आन्तरिक पर्यटकको चाप बढ्न सुरु भएको छ। विशेषगरी पछिल्लो समय उपत्यकाबासीबीच र्याफ्टिङ चर्चित छ । उपत्यकाका बासिन्दाका लागि त्रिशूली र भोटेकोसी र्याफ्टिङको मुख्य गन्तव्य हो। र्याफ्टिङकै लागि भनेर खोलिएका रिसोर्ट सुनकोसीमा करिब दुई दर्जन हाराहारी छन्।
उपत्यकाबाट हरेक शुक्रबार ३ देखि ४ हजार हाराहारी मानिस र्याफ्टिङका लागि आउने गरेको र्याफ्टिङ स्टारका सञ्चालक दीपककुमार राई बताउँछन्। उनीहरूले सरदर ४ देखि ५ हजार प्रतिव्यक्ति खर्च गर्छन्। यस हिसाबमा हरेक सप्ताह सुकुटे क्षेत्रमा सरदर १ करोडको आन्तरिक व्यापार हुने गर्दछ।
तस्बिरः नेपाल फोटो लाइब्रेरी
