काठमाडौं । प्रधानमन्त्री बालेन्द्र शाहले नेपाल अर्ग्यानिक संघका पदाधिकारी तथा व्यवसायीहरूसँग आज बिहान साढे ११ बजे प्रधानमन्त्री तथा मन्त्रिपरिषद्को कार्यालयमा छलफल गर्ने भएका छन् ।
छलफलमा संघका अध्यक्ष दीपक बास्कोटा, उपाध्यक्ष प्रेम लामा तथा गोर्खा टि इस्टेटका अध्यक्ष उदय चापागाईं, हिमालयन सांग्रिला टि फ्याक्ट्रीका अध्यक्ष कमल मैनाली र अन्नपूर्ण प्रवर्धन एग्रो इन्डस्ट्रीका अध्यक्ष फर्शुराम आचार्य सहभागी रहनेछन् ।
यो नेपालमा जैविक (अर्ग्यानिक) कृषि उत्पादन, प्रशोधन, व्यापार र उपभोगको प्रवर्धन गर्ने संस्था हो ।
प्रधानमन्त्री शाहले पछिल्ला दिनमा नेपालमा उद्योग, व्यवसाय प्रवर्धनका निम्ति उद्योगी–व्यवसायीसँग निरन्तर छलफल गर्दै आएका छन् ।
