काठमाडौंँ । सरकारले आगामी आर्थिक वर्ष २०८३/०८४ भित्र १ हजार किलोमिटर सडक कालोपत्रे गर्ने घोषणा गरेको छ । यस्तै २७५ सडक पुल पनि एक वर्ष भित्रै निर्माण सकिने घोषणा गरेको छ ।
आगामी आर्थिक वर्ष २०८३/०८४ को बजेट माफर्त अर्थमन्त्री डा. स्वर्णिम वाग्लेले ५ वर्षभित्र पूर्व-पश्चिम राजमार्गलाई ४ लेनमा विस्तार सम्पन्न गर्ने बताएका छन् । आगामी आर्थिक वर्षभित्रमा नै कमला-कन्चनपुर र बुटवल-नारायणगढ सडक विस्तार सम्पन्न हुने पनि अर्थमन्त्री वाग्लेले बजेट वक्तव्यमा उल्लेख गरेका छन् ।
