काठमाडौं, असोज २४ । नेपाली बजारमा शुक्रबार सुनको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार, शुक्रबार छापावाल सुनको मूल्य तोलामा ४ हजार २०० रुपैयाँले घटेर २ लाख ३५ हजार रुपैयाँमा झरेको छ।
यसअघि बिहीबार छापावाल सुनको मूल्य २ लाख ३९ हजार २०० रुपैयाँ कायम गरिएको थियो।
सुनको मूल्य घटेपनि चाँदीको मूल्यमा भने वृद्धि देखिएको छ। बिहीबार तोलामा ३ हजार २५ रुपैयाँ रहेको चाँदीको मूल्य शुक्रबार बढेर ३ हजार ८५ रुपैयाँ पुगेको महासंघले जनाएको छ।
महासंघका अनुसार, शुक्रबारको चाँदीको मूल्य हालसम्मकै उच्च विन्दु हो।
