सुनको मुल्यमा नयाँ कीर्तिमानः तोलाको २ लाख ७ हजार ९ सय रुपैयाँ

काठमाण्डौं, १८ भाद्र । सुनको मुल्य बुधबार हाल सम्मकै उच्च भएको छ । सुनको मुल्य आज तोलामा २ लाख ७ हजार ९ सय रुपैयाँमा कारोबार भइरहेको छ । नेपाल सुनचाँदी व्यवसायी महासङ्घका अनुसार आज दुई हजार रुपैयाँले बढेको छ ।

हिजो सुनको मुल्य तोलाको दुई लाख पाँच हजार नौ सय रुपैयाँ थियो ।

चाँदीको मुल्य आज घटेको छ । चाँदी आज तोलामा पाँच रुपैयाँले घटेर तोलाको दुई हजार चार सय ८० रुपैयाँमा कारोबार भइरहेको महासङ्घले जनाएको छ । हिजो चाँदीको भाउ अहिलेसम्मकै उच्च तोलाको दुई हजार चार सय ८५ रुपैयाँ पुगेको थियो ।