काठमाडौँ, ३० चैत । गायक वसन्त थापा र गायिका सुमी पराजुलीकाे स्वरमा रहेको नयाँ गीत ‘चुम्मा चपक्कै…’ ले अहिले बजार तताइ रहेको छ ।
केही समय अघि सार्वजनिक भएको यो गीतको भिडियो द डिभाइन म्युजिकबाट सार्वजनिक गरिएको छ । भिडियोमा गम्भीर विष्ट र गरिमा शर्माको अभिनय रहेको छ ।
गम्भीरकै निर्देशन रहेको भिडियोमा विमला तामाङको मेकअप, कुसुम बुटिकको पहिरन, नवराज उप्रेतीको छायाङ्कन, प्रवीण भट्टको कलर र सम्पादन तथा पुनम श्रेष्ठको कोरियोग्राफी छ ।
गीतमा प्रदीप प्रखर पोखरेलको शब्द, कृष्ण भारद्वाजको सङ्गीत र जीवन बडुको मिक्सिङ र मास्टरिङ रहेको छ ।
गायिका सुमी पराजुली नेपाली गायनमा सम्भावना बोकेकी गायिका हुन् भने गायक वसन्त थापा विशेषतः नेपाली लोकगीतमा परिचित नाम हुन् ।
