प्यालेस्टाइनको समर्थन गर्दै ट्युनिसियाका जनता सडकमा

ट्युनिसियाली जनताले प्यालेस्टाइनमा इजरायलले गरेको आक्रमणको निन्दा गर्दै प्रदर्शन गरेका छन्।

ट्युनिसियाको राजधानी ट्युनिसमा ठूलो मात्रामा जुलुस निकालिएको थियो। विरोध प्रदर्शन प्यालेस्टाइनलाई समर्थन गर्न राष्ट्रिय समितिद्वारा आयोजना गरिएको थियो।

ट्युनिसको केन्द्र, ट्युनिसियामा रहेको अमेरिकी र फ्रान्सेली दुतावासहरू र अन्य ठाउँहरूमा केन्द्रित मार्चमा हजारौँ मानिसहरू सहभागी भएका थिए।

उनीहरूले प्यालेस्टाइनीहरू, विशेष गरी गाजापट्टीका महिला, बालबालिकाहरूमाथिको आक्रमण बन्द गर्न माग गर्दै नारा लगाएका थिए। उनीहरूले पश्चिमेली देशहरू इजरायलको पक्षमा रहेकोमा विरोध गरे।